زعجته المطالب بإقالة محافظ الإسكندرية ووصفها بـ "الولولة "!
10-27-2015 07:56
كتبت : هبة عراقي"الإسكندرية تغرق" عنوان هاشتاق على تويتر أغرقه النشطاء بصور الأمطار الغزيرة وماتسببت فيه من تلفيات وأضرار بشرية ومادية، تزامن ذلك مع الإعلان عن وفاة نحو سبعة أرواح (بريئة) ستة منهم ماتوا صعقاً بالكهرباء عندما سقط سلك الترام الكهربائي في المياه، هذا فضلاً عن تعطل حركة المرور وتلف عدد من السيارات نتيجة انسداد المصارف وتراكم المياه التي اقتحمت بيوت (الآمنين)، لكن رجل الأعمال المصري نجيب ساويرس كانت له وجهة نظر أخرى!!
فكيف علق ساويرس على ماينشره نشطاء مواقع التواصل الاجتماعي عن الأمطار في الإسكندرية، ومارأي ساويرس في المطالب التي انطلقت بإقالة محافظ الاسكندرية هانى المسيرى بسبب عدم تطوير شبكة الصرف؟
كتب ساويرس عبر حسابه الموثق على تويتر "يا جماعة المطر طول عمره خير.. قفلو بقى على الموضوع وسيبكم من الندب والهري".
إضغط على الصورة لمشاهدة الحجم الكامل
تغريدة ساويرس تستفز متابعيه على تويتر : في ناس ماتت "يااكسلانس"!!
تقول Thantophobia " تويتة مستفزة. في ناس ماتت يا اكسلانس، و في ناس بضاعتها خربت و عربيتها اتكسرت و بيتوها غرقت. بلاش استفزاز".
وأضافت *الحرة بنت شبرا* "يعنى لو المطر خير اوكى لكن الناس تموت متكهربة بسبب اللامبالاة وانعدام الضمير يبقا سورى مش ندب دى مسئولية كبيرة لازم يتحملوها".
وتسائل Khaled Dawoud " ونقول ايه يا أستاذ نجيب لأم الطفلين اللي ماتوا بسلك الكهرباء اللي وقع على راسهم وهما ماشيين في الشارع؟ خير؟".
ليرد على تساؤله Moh. Khaled El Dawy قائلاً " قولهم ساويرس باشا بيقول كفاية ندب وهرى عشان بيتضايق".
إضغط على الصورة لمشاهدة الحجم الكامل
مغردون لساويرس: اركب مواصلات لتجرب الخير مثلنا!!
كتب Khaled hmed "خلاص انزل اركب مواصلات علشان تحصل جزء من الخير".
وتابع Level Up "هو واضح ان المطر عند نجيب ساويرس بس اللي خير واحنا مش قد المقام".
أمّا Ziad فعلق "سيبك من الندب والهري يا نجيب طالما انت بخير يبقي الدنيا وما فيها".
مغردون : ماذا كنت ستقول لو الأمطار في عهد مرسي؟!
غرد ahmed hussien " ارجع شويه وتخيل مرسي بيحكم واعد صياغة التويته بجد كنت هتقول ايه.متخفش مرسي مش راجع "..
أكمل Karam Mokhtar ساخراً " يبقى الإخوان هما السبب يا هندسة ، مش هما اللى قالوا نحمل "الخير" لمصر ، شكراً لأنك وصلتلنا المعلومة المهمة دى،".
وواصل علي علي علي التهكم قائلاً "#اسكندريه نجيب ساويرس بيقول المطر خير ونبطل ندب ..بطل ندب يامواطن انت في خير متكبرش الموضوع ومتسندش ع التلاجه".
ساويرس : ليس هذا وقت المطالبة بإقالة المحافظ !
أوضح ساويرس في تغريدة لاحقة "الكلام الجد اننا ننزل كلنا نساعد الناس و المناطق المتضررة اما الولولة و لازم المحافظ يمشى و الكلام ده مش وقته .. نساعد الناس الأول !".
وتعجب ToDay " هو احنا مكتوب علينا نموت ونتسجن ونتشتم وننزل نساعد ونصبر وندفع ضرايب .. ده انا لو ساحر مش هاعرف اعمل كل ده".
ورد ساويرس عليه "فى كل الدنيا لما بتحصل كوارث الناس كلها بتتضامن و تنزل تساعد ..".
وعقب Ahmed kamel ساخراً " نساعد احنا والحكومة تولول هي؟".
إضغط على الصورة لمشاهدة الحجم الكامل
وبعد إقالة المحافظ عاد ساويرس ليكتب "طلعت الشمس و المطر وقف و المحافظ اللى قاموا عليه من أول يوم اتشال "!
ليست هناك تعليقات:
إرسال تعليق